Home / LAHAT METROPOLIS / Kecamatan Mulak Ulu / JALAN KE UME JEME SUKANANTI LAH UDEM DIBANGUN

JALAN KE UME JEME SUKANANTI LAH UDEM DIBANGUN

Tukang Ngabarkanye : Arman, S

MULAK ULU, LhL – Sate diucolkah Anggaran Dana Desa (ADD) kandek mbangun segale macam keperluan duson laman, lik pemerintah pusat, Raban Kepalak Disa (Kades) Sukananti di Kecamatan Mulak Ulu, ngak wargenye berenggut nggawekah pembangunan jalan ke ume (jalan usaha tani) ngak dinding semen (tembok) penahan.

Kabare, jalan ke ume tu beukuran panjang 822 miter. Tinggie ngepongan 15 sinti, lebagh sekitar 1,5 miter. Nye dinding semen penahan tanah tu ukuran tingginye 145 sinti, panjange sekitar 77 miter ngak libagh 30 sinti, Gegalenya mepak anggaran dana disa ngepongan Rp.581 juta.

Baca Juga  Pasien Bersalin Menggunakan BPJS di Puskesmas Muaratiga Tetap Bayar

Nurutkah cerite isak di Kepalak Disa Sukananti, Edisar, base pembangunan jalan ke ume ngak dinding semin penahan tanah ni, lah digawehkah li masyarakate, mak ini aghi lah udem gale digawehkah.

 “Nggok nian, mak ini aghi lah pacak digunekah jalan tu li masyarakat petani. Nak bemutor lagi pacak meliwatinye”, ji Edisar ni.

Lain di itu, ade pule jeme duson Sukananti ni bename Nir (30). Die ni ngucapkah terime kaseh ngak pemerintah, ujinye jalan tu lah udem nian. Selame nggawehkah jalan itu, dek bie diket bae halangan ngak rintangan.

Baca Juga  SELESAI DIKERJAKAN, JALAN SETAPAK DESA PAJAR BULAN DI SERAHKAN KE MASYARAKAT

“Alhamdulilah benagh, kami ndukung nian penggawehan Pak Kades kami ni. Memintaklah jeme duson kami ni, pacak njage jalan tu, mangke pacak lame nggunekanye”, akok’an Nir ni, waktu di busek’i li tukang kabar isak di Lahat Hotline.com, saghi ni. Sabtu (17/12).

Tukang berurohe : UJANG, SP

Check Also

Usai Kondangan, Konvoi Kendaraan Rombongan Yulius Maulana Dicegat Warga

Author : NOPI MULAK ULU, LhL – Ada suatu hal yang mengejutkan dalam perjalanan pulang …

SMM Panel

APK

Jasa SEO