Lahat Hotline
Related Articles
Tukang Nulis Berita : Hendriadi
LAHAT, LhL – Alang ke malanagannye nasib Ning Sarmina (60) ye tecatat sebagai warge Dusun Tanah Pilih, Kecamatan Gumay Talang, Kabupaten Lahat ni. Sebab Aghi Jumat (9/12/22) Ning Sarmina ni dikabarkah meninggal denia li kene tumbur sepur di rel sepur parak dusun ketike die balek mpai udem naba para di kebun parahe di ataghan kebun sekitar dusun die tulah.
Kabare jeme ye pertame kali nginak mayit Ning Sarmina lah tegelimpok ngak badan luke gale dide benyawe agi ni, adelah Nining-nining pule bename Hertati (60) jeme Dusun Tanah Pilih pule. Nah sate tekinank ngak mayit Ning Sarmina, Ning Hartati ngenjuk tau jeme bedusun, bahwe die tekinak ngak mayit itu. Sate dienjuk tau, jeme dusun tu langsung nginak’i ke badah mayit.
Nurut cerite Tiwi jeme Dusun Muare Tandi, Kecamatan Gumay Talang, Ning Sarmina ni mpai balek naba para. Nyampai di jalan rel antak ke Jerambah Lubuk Keghanji, Ning Sarmina ni dide nengagh suaghe ade sepur liwat,
“Sehingge, tejadilah die tumbur sepur ni dan meninggal denie”, uji Tiwi.
Nggok kabar ini diidarkah, raban tukang tulis ni lom dapatkah cerite resmi isak di pihak plisi ataupun isak di aparat hukum lainnye. Anye tukang nulis kabar ini masih terus ngusahakah ndalami cerite ini, kalu lah ade cerite lebih lanjut, kele ke dikabarkah lagi ngak pembace.
Tukang Masukkah Berita : RON
