Home / LAHAT METROPOLIS / Kecamatan Kota Lahat / MULAN PEDARE ALAP, BEBUAH DEK BEMUSIM. DIDE NAK JAUH NCAKAGHE

MULAN PEDARE ALAP, BEBUAH DEK BEMUSIM. DIDE NAK JAUH NCAKAGHE

LAHAT, LhL – Seghempak nga kekenda’an jeme kite Lahat mak ini aghi, nye dang banyak pule tepengaruh nga care idup jeme sak di Jakarta atau Bandung. Mula’i sak di bebajuan, pepa’an, ngok ke melunggokkah segale macam mulan tanaman nye melelakah anye meribangkah. Temasuk pule mulan tanaman nye gancang ngasilkah buahe, lok Pedare atau ji jeme mak ini aghi Bibit Lengkeng.

IMG-20160714-WA0026

Nah, mak ini aghi. Mulan Pedare alias Lengkeng ni dang banyak dicakaghi jeme di Lahat. ngape sangka lok itu..? Kabare uli Pedare ni gancang ngasilkah buah, udem tu kalu lah bebuah die dide melaghami musim. Kebile die nak bebuah, bebuah lah itu. Kabare.

IMG-20160714-WA0025

Lulok jeme bename Iskandar, beghumahe betipatan benae di baling sekulahan STIT di Kelurahan Kota Baru, Kecamatan Kota Lahat tu nah. Bugae ini dang ribang benae ngembang ngembangkah mulan Pedare alap alias Lengkeng Super.

IMG-20160714-WA0028

Uji die gi pangkal-pangkal madak’e gi ribang saje melunggokkah mulan Pedare alap ni, dangan itu die masih begawe jadi PNS di dinas pertanian, die lah ribang begudar nga bemacam-macam tanam ni, ape agi mak ini aghi die lah pensiun. Nah ujinye, sate lah mandak jadi pegawai tu, die tambah ribang mbudi dayakah segale macam mulan tanaman yang langka nye meribangkah dan unik atau dek bedie di badah kite.

Baca Juga   INSYAALLAH NOPRAN HERLIANSYAH UNTUK LAHAT LEBIH BAIK

IMG-20160714-WA0029

“Isak di aku masih gi begawe jadi PNS di dinas pertanian madak’e, aku lah ribang ndie ngaghi dunie betanaman ni. Apelagi mak ini aku lah pensiun, tambah ribang aku. Beriken-rikenan, kandek nambahi penggawehan aghi tue pacak pule nambahi biaye ungkos pughuk di ghumah ni,” ujinye.

Mulan Pedare alap ni, Kandar ngulang bejapeh. Die ghuleh sak di badah jeme di Jabotabek, kebile bae ade waktu di nganguk ke badah jeme tu, sambil beghusek tandang nga anak anak’e di Bogor nga di Depok. Awate die balik agi ke lahat ni, die mbatak mulan Pedare alap tu. “Ame ji jeme, akuni ndepat bisnis Pedare atau lengkeng ni. Soalnye sambil tandang ngan anak cucung di jawe, aku pacak mbatak tuape kina ndek lukak pengidupan di aghi tue ni,” cerite die titu.

Dikate kanye pule, mulan Pedare yang ade di tengah laman die ade lapan macam, mula’i sak di Pedare alap alias super mutiara, Pedare abang, sampai nga Pedare Kaisar. “Ye paling mahal Pedare Abang, pacak sampai 600 ribu regenye sebatang mulan tu. Anye yang paling banyak dicakaghi jeme Pedare mutiara ni, kene Pedare mutiara ni buahnya besak-besak, daginge tebal banyak ayik manis pule. Rege mulane Pedare mutiara ni anye agak murah, ngepungan gi 300 ribu sebatang mulan. Nah ame nye Kaisar ni lain pule penggawehannye, die ni lame mangke bebuah. Anye kebile lah bebuah dindak mandak, ade bae bekinjae-kinjae buahe. Ai ude kudai, padu nian ndak nambahi ungkos makan minum saghi-saghi”, mak itu diumong kanye.

Baca Juga   SQUAD GRAB LAHAT LAKUKAN KEGIATAN JUMAT BERSEDEKAH

Uji Iskandar, die lah njualkah mulan Pedare alap ni, kire kire sebanyak 160 batang. Selain mulan Pedare, di tengah laman lanang ini ade pule mulan rambutan, deghian, mangga nga apel India. Anye ye paling banyak batange tu, nyelahla mulan Pedare alap tadi. “Ngepungan 160 batang mulan Pedare alap ni, nye lah tejual selame aku ngulagh tetini. Udem tu mak ini aghi gi ade ngepungan due puluhan batang ye lah siap ndak dijualka,” ji die, njelas kanye ngak kami tukang ngenjuk tau ni, petang tadi aghi Kemis (14/7).

Bagi jeme Lahat ni, kalu ndak mbeli mulan Pedare alias Lengkeng alap, yang bebuah dek keruan ngak musim ni. Dide perlu nak jauh ige ncakaghe, cukup beghusek gaghi lanang ini di belakang STIT Lahat ni lah. Betanye bae di situ, mane ghumah Iskandar ngkas pegawai pertanian. “Nah disitulah kite pacak mbeli segale macam mulan Pedare super,” cerite Fajit, salah sughang jeme yang lah ghapat mbeli mulan di badah Iskandar ni.

Gambare        : (NOPI)

Karangannye : (Lah NOPI pule)

Check Also

Pengembalian Logistik dan Kotak Suara Pemilu 2024 dari PPK Pulau Pinang ke KPUD Lahat Dalam Pengawalan TNI/Polri

Prima Ramadhan LAHAT, LhL – Bertempat dikantor sekretariat PPK Kecamatan Pulau Pinang telah dikembalikan Logistik …

SMM Panel

APK

Jasa SEO