Lahat Hotline
Related Articles
LAHAT, LhL – Singgenye nanggung raban Si Bolang tu terip ini, kerne sate sampai ke ghumah jeme tuan media Lahat Hotline.com bename Mang Ujang, di Kelurahan RD PJKA Bandar Agung Lahat ngepungan jam 4 nggok ke udem manggrib petang kemaghi, 4 dak kecik nye merankah film Bolang tu lah hakghut di unyut bujang gadis lanang betina nga budak sepentaran die, nggok ke jeme tue nak begambar gale nga rumbongan itu.
Lok saghini, Sabtu (4/11) mpai ngeluagh isak di hutel Bukit Serelo akap tadi, raban itu nyinggahi ghumah Mang Ujang sambil nak ngajak’e die beghusek ke ghumah Kak Wari (Jeme nye njadi Bupati Lahat ni, nah). M. Eldiansya (Bolang), Lidwi Amigo, Anugera David Putra, Ishar Januarta lah diambat li budak kecik nye kurangan petang kemaaghi nak begambar agi. Kerik Ivi Hamzah alias Jack Mania (Mamangan Bolang) tu lah besigat pule di teghik jeme nak ngajak begambar.
Dek kepanyaghan agi mate aghi lak ngancal, kekire jam 07:30. Raban Bolang nga Mang Ujang laju nian ngok ke ghumah Kak Wari. Li Bupati Lahat ni, raban Bolang disambute ilok benagh.
Lah udem berajam ngak begambar seghempak Kak Wari tu, nak keluagh isak di ghumah itu Bolang ngulang di ghantut jeme nak ngajak begambar sehgempak.
“Hui…, sini kudai kamu ghang empat tu. Kite begambar kudai, pala”, uji kepalak BLH Lahat ni, H. Ali Affandi, teghaoh mantau, sambil nyenyerideng kata begayahe nk begambar ngak dak kecik ghang empat sak di duson Geramat, Kecamatan Mulak Ulu tu.
Kah kisetlah isak di cumpok itu, ade pule bugagh due ughang bename Prima ngak Dika. Tek ghang due ini lah bejambing nak ngajak begambar agi.
“Ai…, ai…, ai, kekemnelah kamu se-empat ni. Sini kite slipi kudai”, kate Prima ngak Dika ni ngajak begambar pule.
Gambar ngak nulise : (UJANG, SP)
