Home / Umum / NAH..!!! DPRD ‘DIUGAK’, SEKRETARISE NGIMAGH

NAH..!!! DPRD ‘DIUGAK’, SEKRETARISE NGIMAGH

index

LAHAT, LhL – Njelitkah mate isak di cerite di kertas betulisan banyak (Kuran namenya) ye lah ganau di bace sejagat jeme saghi ni, Aghi Rebu tanggale 27 bulan 7, Kabare ade dugean sen (Duit) nye dianggarkah li pemerintah kandek penggawehan beterus (Rutin) di rugok sekretariat Dewan Perwakilan Rakyat Daerah (DPRD) Lahat ni, lah disalah gunekah alias diseliwengkah. Cerite ini laju ngajung Sekretaris Dewan (sekwan) DPRD Lahat, M Safrani Cikmin SH laju ridat dan ngumong sambil ngimagh pule. Mpok dide tau nanyeinye nian secare langsung, anye tukang berita (wartawan) ni masih pacak betanye sekaligus nak nganing tanggapan die melalui telepon genggam Safrani.

Uji Safrani, gegale cerite dan dugean yang ade di kuran tu dek bie nye benagh, kerne kate die. Segale pos dana nga anggaran yang ade tu, lah ade gale di pos-pos program  pengguneannya masing-masing, udem tu secare pemberkasan ataupun administrasinye lah diajungkanye gale nga PPTK dan KPAnye sutik-sutik. “Pacak dikatekah salah gale, cerite di kuran tu. Kerne ngguk mak ini aghi, anggaran taon 2014 tu, lah dek bie masalahe agi. Gegalenye tu lah sesuai nga pengguneannya,” ji Safrani, die mbantah.

Baca Juga  JANGAN ANDALKAN APBD, MUSRENBANG MENYAMBUT ANGGARAN 2019

Udem itu, Safrani ngulang ngumong. Ndek segale sengkita yang ade tu, amun mimang ade ganjalan nga kekeliruan pemberkasannye. Lah cengki sebelume, KPA nga PPTK serte pihak lain ye ngikut nggawehkanye, lah udem gale di perikse, di audit. Mangke tu lah dinyatekah pule lah udem dirasankah. “Ase ku ade tukang meriksenya, mpok sebelum ini, aku selaku Sekwan juge lah sempat dipantau nga dimintai keterangan seputar cerite penggunean sen yang ade, temasuk pule PPTK. Jadi gegalenye lah kucam gale”, uji Safran, lah lok mula’i purek.

Nah, ndek kali ni Bos besak DPRD Lahat, Herliansyah SH MH, ketike ditanyei tekait penggawehan ini, temasuk rencane rumbongan jeme ye ngakok sakdi lembaga swadaya masyarakat (LSM) nak gheghaoh di Kejaksaan Tinggi (Kejati) Plimbang, die ngumongkah rencane jeme tu. Lajulah, titu sah-sah bae, anye die ngicekkah sekirenya pacak cube kinak’i kudai pule, tape die nian ye njadi objek tuntutan nye ade tu. “Indonesia ni negara demokrasi, jadi segale jeme  atau lunggo’an jeme banyak nak nyampaikah kekendaan (aspirasinye), lah cengki diajung dan dide bie jeme nye melarang. Anye ilok-ilok, sekiranye ade nye lebih bijaksane agi, amun dibalekkah sesuai nga objek cerite nye benaegh-benagh tepat”, ceritean Herli.

Baca Juga  TANHAR EFENDI : PEMUDA DAN TANTANGAN BANGSA INDONESIA

Ndak dikeruani, lok ye dikatekah dipangkal tadi, base alokasi dana yang ade di cumpok Sekretariat DPRD Lahat ni, ade dugean atau ji jeme mak ini aghi indikasi sen ye nyimpang pengguneannye. Dang ilok gegalenye Rp5,6 Miliar, kabare titu dide jelas pengguneannye, di taon anggaran 2014 mada’e.

Gambare ni kami           : (Simpanan kami)

Nye tukang ngetiknye : (UJANG, SP)

Check Also

Polres Pagaralam Amankan Belasan Pengunjung Golden Star Karaoke

Author : Toni Ramadhani PAGARALAM, LhL – Sebanyak 11 pengunjung Karaoke Golden Star di Kota …

SMM Panel

APK

Jasa SEO