Home / LAHAT FOKUS / Pagar Gunung / NDEK NGANYI’I SAWAH, JEME SIRING AGUNG DIBUATKAH IRIGASI
P_20160726_095144

NDEK NGANYI’I SAWAH, JEME SIRING AGUNG DIBUATKAH IRIGASI

PAGAR GUNUNG, LhL – Tedengagh ceritean rie, banyak benagh sawah jeme dusun Siring Agung, Kecamatan Pagar Gunung ye kekehingan ayek. Pemerintah Kabupaten Lahat, begulut nak mbuatkah siring ayek (Irigasi), mangke sawah petani sawah ye ghapat kehing kene kurang ayek selame ni tadi, pacak ngulang betanam padi agi.

P_20160726_095049

Nganingkah cerita isak di jeme dusun itu, sawahe banyak yang kehing selame ni tadi. Di karnekah palak siring (Irigasi induk)nye, lah banyak yang pesok alias jebol. Mangkenye, ayek isak di ulu tu bukannye masuk ke ataghan sawah, anye malah balek ke jalan agung (Jalan kecamatan). Kadangan tu, ayek di jalan agung lah lok batang aghi.

Nah, mak ini aghi, petani ye keciwe li sawahe ghapat ngalami kekehingan selame ni, jerang agi pacak tetawe ribang. Sebab, pembangunan siring beton tu lah di ilok’i  dan dibuatkah nye anyar. Malahan, lah mula’i digawehkah jeme.

P_20160726_095014

Amun uji Rumli (35), salah suhang tukang bangunan nye nggawehkah siring itu. Selain ndek ngayek’i sawah, pembangunan irigasi tu, bemanfaat pule ndek ngurangi ayek yang ngalir di jalan agung tu. “Kalo sudah dibuatke siringnyo ni, gek banyunyo dak lagi masuk ke jalan mobil ini. Tapi dio masuk ke sawah warga, dan petani biso nanam padi lagi”, kate ugha ini, bebase-base nian, waktu ditanyei li tukang mberitakah tini.

Irigasi ini, lah mula’i di gawehkah jeme seminggu agat ni. Tukang ngak kenik’e bae lah ndak 10 ughang. Rencane raban ini, gi pangkal-pangkal ni kah nggawekah ngepungan 125 meter kudai panjange. Sebab jinye lom keruan nian kah beghape meter nian panjang gegale siring tuk kah di bangun tu, nye pasti rencane raban tukangtu ke ngguk nyampai gale aliran ayek ni ke sawah-sawah jeme duson tu.

Mimang awale, Rumli njelaskah agi. Aliran ayek ni lah lame belum dibenaghi. Udem itu, bangunan ye lah lame tu lah banyak ndek leghai gale. Mangkenye ayek ndak masuk ke sawah ni, laju lah lok pauk agi nyimpang ke tengah jalan gale. “Ai amun ndak nurut kanye, mimang bangunan lame tu lah ancur gale. Mpok kami lum keruan nian ke baghape panjang siring ni, tujuannye lah pasti ndak masukkah ayek ni kesawah”, itu ceritean Rumli, lah digek die bebase- base nian lok tadi.

Rumli ngulang bejapeh, rencanenye bangunan siring di duson Siring Agung ni. Kah ditembuskah sampai ke sawah raban petani di Duson Ghimbe Sujud, khususe bagi sawah yang benagh-benagh nggunekah ayek ndek ngaliri sawahe. “Udem itu, base bangunan ni masih ke belanjut terus digawehkah li kami tukang ni. Anye mak ini aghi mpai separu yang lah ilok. Separue agi masih ditahap penggawehannye”, itu ujung sakdi penjelasan Rumli tadi.

Tukang Nggambare : (MAN)

Tukang Nulise           : Lah (MAN) agi 

Lihat Lainnya

IMG-20190812-WA0052

BUPATI LAHAT BUKA TURNAMEN KEJUARAAN BOLLA VOLLY KORCAM PAGUN

Author : Ganda Coy PAGAR GUNUNG, LhL – Bupati Lahat Cik Ujang SH, didampingi Wakil …

error: Content is protected !!